سوالف الشياب عن أكلات إماراتنا السبع>>كشخة

السلام عليكم ورحمة الله وبركاته

سواالف شيابنا عن الأكلات الشعبيه

والله ان رمستهم كشخة ... ××أخليكم مع الموضووع××

أكلة هل الفجيرة

حافظ على هل الفجيرة ... من تيهم أتقييّل عندهم ضيف ...
الله على الكرم الطافح فوق اليبال ...وخصوصا بعد يوم يقربوبك
عندهم وتاكل هذيج الأكلة ما ودك بعد تظهر من الفجيرة ..
بس الود ودك أتّم تظرب بالخمس ألين يوم الثاني ..
وأكلتهم مشهورة وهيه : طاسة حلوى حارة وعدالها
دلة أقهوه الملقمه في حزتها

أكلة هل راس الخيمة

ياسلام أتسلم على هالأكلة المشهورة اللي عندهم .. ..
أموت على طبيخكم اللي ما ينطبخ اللا على ظو يريد وحطب
وما بينهن طابوقتين .. الصراحة يعت مشتهي طاسة
جامي ويقط ولبن من أمارة راس الخيمة ......... السموحة بويه منكم ..
و أكلتهم هي الجامي و اليقط و اللبن ..!
أكلة هل أم القيوين

لاااااااااا .. كله عاد ولا هل أم القيوين ..
الصراحة عندهم أكلة والله ما تخطر على بال واحد بيموت من اليوع
.. أسمييييه عندهم أكله ..
ما يطبخونها اللا حزّة الغدا من عقب صلاة الجمعه ..
وهيه أكلة البياح : تراهم مشهورين أبها ومحد
شراتهم وشراياهم .. أنتوا ما تشوفون عربهم ومواطنينهم
شقايل الواحد أو الوحدة منهم هالمتن ..
أكلة هل عجمان

ما يحتاي بعد أزيد عليكم الزود .. معروفين هل عيمان
بخبز الرقاق هنتين أبييّزة .. وخصوصا بعد أوف حلاته
اذا كان مدهون بدهن خنين .. وووووووه ..

وحظك من السما لو حالفك الحظ حد منهم عزم عليك
تقرب عنده في البيت تاكل من ريوقهم أو غداهم أو عشاهم ...
ياجماعة الخير عليك بخبز الرقاق المدهون بدهن خنين من هل عيمان..
أكلة هل الشارجة

لا لا لا .. كلكم غلطانين .. هب الدانقو ولا شي ولا حتى الباجلة ..
هذه كلها خرافات واحد مصطول يوعان .....
عندي انا المعلومة عن أشهر أكله عند هل الشارجة .....
...... الصراحة غلبتوني .. هيه نعم صدقتوا ..
ماشي أحلى من الدانقو حزّة العصر وحاط جدامك هالطاسة
الممزورة دانقو ولوميتين من الحامض .. تعصرهن في الملة أمممم
....... أوففففففف أشوووووو هالعذاب ياجماعة الخير ..
أبتسم أنته تاكل الدانقو في الشارجة
أكلة هل دبــي

أكلة هل دبي المشهورة هيه : الهريس .. واللي ماياكل منها يخيس
.. وهل دبي معروفين في الأعراس لازم يكون في وسط الحوي جدر هريس
واللي يقرب لازم يغرف له بالمظراب في طاستة .. وأنا مستحيل آكل هريس
من أي أما رة ثانية اللا دبي .. أقصد كل أمارة ولها خصوصيتها في أكلاتها الشعبية المشهورة .........
وقربوا هريستنا تراها طايحه



اكلة هل بوظبي والعين

كل أكله روحها صوب .. وكل وحده منهن ترمس عن عمرها ..
ما أدري أشوووووو أطريلكم واللا أشوووووووو ..

ترى كل وحده أحلى من ربيعتها .. بس أن بغيتوا الصدق :
ترى ريوق هل بوظبي وهل العين شي مذهل وخرافي ..
حد منكم جرّب يتريّق من ريوقهم ..؟؟ هيه نعم أنا .. يا الله..
هذه الأكلات واللا بلاش ..
يعني أفداهم ويطول في عمارهم عربنا القبايل هل بوظبي والعين
فديتهم والله .. ......... أوه سامحوني نسيت أخبركم بأسم أكلتهم المشهورة
على الأقل في نظري أنا ......
خبز خمير بثيث مفروكه والمظروبة ... والله العظيم أني ما أتمصخر
هذه أسامي بعض الأكلات الشعبية المشهورة عند هل بوظبي ونعم وسبعة انعام ..
وبعد حتى عند هل الأمارات الشمالية ..

بس المرجعية والأصل ترجع لهل دبي و بوظبي والعين في أكلاتهم المشهورين أبها.. هااا شووو راااايكم ؟؟

كشخة صح؟؟

والسمووحة على القصووور...

حقوق النشر مسروووقة..

ههههههه كشخه

حتى ع الاكل لاحقين الخلق

هاي نعمه في النهاايه

وشي نااس مب ملااقيين ياكلوون

موضووع جميل

بس انا برايه ما احد ياالس في بيت الثاني

ويشووفه شو ياكل